Accueil > Evit an holl > Arvestoù e brezhoneg - spectacles > An tad Sach-brec’h - "Le père Tire-Bras" : un arvest e brezhoneg evit ar (...)

An tad Sach-brec’h - "Le père Tire-Bras" : un arvest e brezhoneg evit ar vugale !

mercredi 24 avril 2013, par Isabelle.


Littérature jeunesse, musique et illustrations "en live", un spectacle mémorable pour petits et grands : "le père Tire-bras" en version bretonne ! Avec en plus un dossier pédagogique de 34 pages pour les écoles intéressées par le spectacle et qui souhaitent préparer l’événement.

Un arvest klok eo "An tad Sach-brec’h", diwar un danevell gant Jean-François Chabas (embannet e galleg gant Thierry Magnier) : brezhoneg, lennegezh, sonerezh, hag arzoù kaer e-barzh. Hag un teuliad pedagogel, 34 fajennad ennañ, kaset gant an arzourien d’ar skolioù a vo intereset gant an arvest : peadra da brientiñ ar skolidi araok !

 An Tad Sach-Brec’h

Arvest kinniget e brezhoneg gant La famille Petitplus

Hervez « Le père Tire-bras » gant Jean-François Chabas

http://famillepetitplus.com/famillepetitplus/Accueil.html

 Tri war al leurenn.

Tri, ha mouezh Ronan COADIC o tibunañ istor an tad Sach-Brec’h, euzhvil hon bugaleaj, a ranko Olier, paotr bihan, marc’hata gantañ ha gant e spontoù dezhañ, betek kontañ un istor ekologel deomp...

Saksofon Gildas LE BUHE.

Akordeoñs Régis HUIBAN.

Ha buhez fiñvus diehan skeudennoù Christelle LE GUEN war he zaol-labour, ha war ar skramm bras dirazomp.

Hag-eñ eo ret gouzout gant peseurt burzhud e c’hell ar plac’h-se lakaat kement a vuhez e skeudennoù an istor ?

Hag-eñ eo ret gouzout lenn ar sonerezh evit bezañ bammet ha souezhet gant kan binvigi an daou baotr-se ?

Hag-eñ eo ret kompren pep tra evit tañva blaz ar brezhoneg ?

Ne gav ket din.

Neuze, skolaerien ha skolidi, azezit, sellit, selaouit. Trouz ebet ! Ha setu tri c’hard eur burzhudus evit ho taoulagad, ho tiskouarn hag ho faltazi.

Pep tra zo amañ, war al leurenn...

 Arzourien : LA FAMILLE PETIT PLUS


- Christelle LE GUEN (Skeudennoù)

Da welet : http://famillepetitplus.com/ http://christelleleguen.com/

- Régis HUIBAN (Akordeoñs)

Da welet : http://www.regishuiban.com/

- Gildas LE BUHE (Saksofon)

Da welet : http://gildaslebuhe.com/ http://wipidoup.com/

- Troidigezh e brezhoneg gant Corinne AR MERO

- Mouezh e galleg gant Jean-Marc IMBERT

- Mouezh e brezhoneg gant Ronan KOADIG

- Son gant Jérôme TEURTRIE

Mont e darempred gant ar familh PETIT PLUS :

PDF - 398.3 ko
Tad Sach-Brec’h kinnig an arvest

Hag un tamm video ouzhpenn amañ (mes e gwirionez eo kalz gwelloc’h c’hoazh war al leurenn, evel just !) : http://www.youtube.com/watch?v=UQ2W4r3oanQ